Шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Суғд барои ишғоли вазифаҳои холии ҳайати хизматрасон дар шуъбаю бахшҳои сабти асноди ҳолати шаҳрвандии шаҳру ноҳияҳо озмун эълон менамояд:

1.     Нозир – коргузори бахши сабти асноди ҳолати шаҳрвандии Вазорати адлияи Ҷумҳурии Тоҷикистон дар шаҳри Конибодом  – 1 ҷой,  талаботи тахассусӣ – таҳсилоти олии ҳуқуқӣ музди меҳнат – 609,50 сомонӣ;

2.     Корманди бойгонии бахши сабти асноди ҳолати шаҳрвандии Вазорати адлияи Ҷумҳурии Тоҷикистон дар ноҳияи Мастчоҳ  – 1 ҷой,  талаботи тахассусӣ – таҳсилоти олии ҳуқуқӣ музди меҳнат – 630 сомонӣ;

3.     Корманди бойгонии бахши сабти асноди ҳолати шаҳрвандии Вазорати адлияи Ҷумҳурии Тоҷикистон дар ноҳияи Зафаробод  – 1 ҷой,  талаботи тахассусӣ – таҳсилоти олии ҳуқуқӣ музди меҳнат – 609,50 сомонӣ

Санаи 21 августи соли 2019 аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Деваштич, бинои Маркази адлия мавриди баҳрабардорӣ қарор гирифт.

Бинои мазкур аз ду ошёна бо таҳхона иборат буда, дорои якчанд ҳуҷраҳои корӣ барои фаъолияти кормандони мақомоти асноди ҳолати шаҳрвандӣ ва Идораи нотариалии давлатӣ, толорҳои равзани ягона ва барои гузаронидани ақди никоҳи навхонадорон, инчунин таҳхона барои нигоҳдории санаду ҳуҷҷатҳои бойгонӣ пешбинӣ гардидааст.  Ҳамзамон бинои мазкур бо таҷҳизоти низоми пешгирӣ ва огоҳкунандаи зиддисӯхторӣ муҷаҳҳаз гардонида шуда, дигар шароити зарурӣ дар он барои кормандони соҳа фароҳам оварда шудааст.

Дар шароити муосири муборизаи тамаддунҳо ва ҷаҳонишавӣ бештар маълум мегардад, ки воситаҳои ахбори омма дар ҳаёти ҷомеа чӣ гуна нақши бузург доранд. Тавре Асосгузори сулҳу ваҳдати миллӣ – Пешвои миллат, Президенти мамлакат, муҳтарам Эмомалӣ Раҳмон дар ҷаласаи тантанавӣ ба ифтихори 100-солагии матбуоти тоҷик таъкид доштанд: «Дар ҳақиқат, матбуот ва воситаҳои ахбори омма ба ташаккули афкори ҷомеа таъсири муқтадир ва муассир мерасонанд. Онҳо хусусан дар замони таҳаввулот ва тағйирёбии самтҳои рушди ҷомеа, бадалшавии идеологияҳо ва ташаккули диди нави иҷтимоӣ аҳамияти хоса пайдо мекунанд. Ҳама гуна ҷомеаи демократӣ, алалхусус ҷомеаи кишварҳое, ки нав ба ин ҷода қадам гузоштаанд, ба воситаҳои ахбори омма ва фаъолияти пурсамари онҳо ниёзманд мебошанд».

Бо ғамхориҳои доими Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгирии Вазорати адлияи Ҷумҳурии Тоҷикистон дар доираи амалишавии Барномаи рушди мақомоти сабти асноди ҳолати шаҳрвандӣ дар Ҷумҳурии Тоҷикистон барои солҳои 2014-2019, бо қарори Ҳукумати Ҷумҳурии Тоҷикистон аз 03 январи соли 2014, №21 тасдиқ гардидааст, санаҳои 15-16 июли соли 2019 аз ҷониби эксперти миллии Лоиҳаи «Дастгирии ислоҳоти низоми бақайдгирии асноди ҳолати шаҳрвандӣ дар Тоҷикистон » Ҳайдарова Ш.  ва эксперти ҳамин лоиҳа Бекназарова Г. бо кормандони мақомоти сабти асноди ҳолати шаҳрвандӣ мизи мудаввар доир гардид.