Бо ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгирии Вазорати адлияи Ҷумҳурии Тоҷикистон бо шарикони рушд дар доираи амалишавии Барномаи рушди мақомоти сабти асноди ҳолати шаҳрвандӣ дар Ҷумҳурии Тоҷикистон барои солҳои 2014-2019, бо Қарори Ҳукумати Ҷумҳурии Тоҷикистон аз 03 январи соли 2014, №21 тасдиқ гардидааст, ки  дар Донишкадаи такмили ихтисоси Вазорати адлияи Ҷумҳурии Тоҷикистон,  шаҳри Душанбе моҳҳои май – ноябри соли 2018, омўзиши мутахассисони соҳаи сабти асноди ҳолати шаҳрвандӣ оид ба  кор дар системаи САҲШ2 пешбинӣ шудааст.

Дар радифи донишгирандагон, санаи  06 августи соли 2018  мутахассиси пешбари шуъбаи Раёсати асноди ҳолати шаҳрвандӣ дар вилояти Суғд, мудири бахши сабти асноди ҳолати шаҳрвандии шаҳри Конибодом, мутахассис-коргузорони шуъбаю бахшҳои сабти асноди ҳолати шаҳрвандии шаҳрҳои Хуҷанд, Панҷакент дар кори семинари омузишӣ дар шаҳри Душанбе иштирок намуданд.  Инчунин дар кори семинари омӯзишӣ масъулини шуъбаю бахшҳои сабти асноди ҳолати шаҳрвандии шаҳру ноҳияи Лахш, Рашт, Тоҷикобод, Нуробод, Муъминобод, Балҷувон, Кушониён, Хоруғ, Ишкошим қарор доштанд.

   Тибқи ҷадвали тасдиқгардидаи мақомоти иҷроияи ҳокимияти давлатии вилоят аз 10 июли соли 2018 дар толори шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Суғд якҷоя бо Раёсати кор бо ҷавонон ва варзиши мақомоти иҷроияи ҳокимияти давлатии вилоят санаи 01 августи соли 2018 баҳри таъмини иҷрои Амри Президенти Ҷумҳурии Тоҷикистон аз 15 сентябри соли 2011, № АП - 1729  бо намояндагони васоити ахбори омма нишасти матбуотӣ доир гадид. Нишасти матбуотиро сардори шуъбаи Раёсати асноди ҳолати шаҳрвандӣ дар вилоят Муқаддам Ҳошимзода бо сухани ифтитоҳи оғоз намуд ва сипас аз ҷониби роҳбарони сохторони мазкур ба намояндагони васоити ахбори омма аз натиҷаи фаъолияти нимсолаи хеш маълумот доданд.

   Санаи 20 июли соли 2018 дар толори маҷлисгоҳи шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Суғд маҷлиси ҷамъбастии мақомоти асноди ҳолати шаҳрвандии вилоят дар нимсолаи аввали соли 2018 баргузор гардид, ки дар кори он мутахассисон, мудирони шуъбаю бахшҳои сабти асноди ҳолати шаҳрвандии шаҳру ноҳияҳои вилоят, шуъбаи Хонаи ақди никоҳ ва масъулини даъватгардида иштирок доштанд. Сардори шуъба дар баромади хеш зикр намуд, ки ин муддат, дар вилоят – 52322 сабти асноди ҳолати шаҳрвандӣ аз қайд гузаронида шуданд. Аз ҷумла, сабти таваллуд - 26887, сабти вафот - 5604, сабти никоҳ - 8768, қайди берун аз муҳлати таваллуди кўдакони навзод - 2191, қайди берун аз муҳлати сабти вафот - 144, сабти бекоркунии ақди никоҳ - 2180, сабти муқаррар кардани падарӣ – 1489, сабти фарзандхонӣ -126, сабти иваз кардани насаб, ном ва номи падар  4933-ададро ташкил мекунад.

 Санаи 13 июли соли 2018 дар партави дастури супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби масъулини бахши сабти асноди ҳолати шаҳрвандии шаҳри Конибодом дар ҳамкории бо  мақомоти иҷроияи ҳокимияти давлатии шаҳр бо мақсади баланд бардоштани маърифату фарҳанги оиладорӣ бо никоҳшавандагон дар тарабхонаи «Тоҷи Канд» бо 90 ҷуфт ҷавононе, ки дар арафаи издивоҷ қарор доранд семинари фаҳмондадиҳӣ баргузор гардид. Дар кори семинар Раиси шаҳри Конибодом Ғайбулло Боҳирӣ иштирок ва суханронӣ карда, зикр намудааст, ки оила дар баробари падидаи иҷтимоӣ ва тарбиявӣ будан барои расидан ба рўзгори обод ва ҳаёти солим вазифаҳои тарбияи маънавию ахлоқӣ, равонӣ, таъмини шароит, меҳнат, беҳдошт ва ҳифзи саломатӣ, эҳсоси масъулият дар зиндагӣ ва амсоли инҳоро иҷро менамояд.