Санаи 9 августи соли 2023 дар толори маҷлисгоҳи шуъбаи асноди ҳолати шаҳрвандии раёсати адлияи вилоят семинар-машварат бо муҳосибони мақомоти асноди ҳолати шаҳрвандии шаҳру ноҳияҳои вилоят оид ба татбиқи иҷро ва риояи Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» аз 22 июни соли 2023, №586 доир гардид. Дар кори семинар-машварат сардори шуъбаи асноди ҳолати шаҳрвандии раёсати адлияи вилоят Фармонзода М. ва хазинадорони шуъбаю бахшҳои сабти асноди ҳолати шаҳрвандии шаҳру ноҳияҳои вилоят иштирок намуданд. Дар семинар-машварат роҳбарияти шуъба оид ба татбиқи иҷро ва риояи Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» андерашонӣ намуда, дастур дода шуд, ки   дар байни аҳолӣ корҳои тавзеҳотию фаҳмондадиҳиро ҷоннок намуда, ҷиҳати фароҳам овардани шароити мусоид барои анҷом додани хизматрасониҳои ғайринақдӣ чораҳои муоссирро роҳандозӣ намоянд.

Санаи 19 августи соли 2023 бо мақсади иҷрои Нақшаи корӣ дар толори маҷлисгоҳи шуъбаи асноди ҳолати шаҳрвандии раёсати адлияи вилоят бо иштироки роҳбарони шуъбаю бахшҳои сабти асноди ҳолати шаҳрвандии шаҳру ноҳияҳои вилоят семинар оид ба омӯзиш ва таҳияи пишниҳод ҷиҳати дар таҳрири нав қабул намудани Қонуни Чумҳурии Тоҷикистон «Дар бораи бақайдгирии давлатии асноди ҳолати шаҳрвандӣ», такмили санадҳои меъёрии ҳуқуқии дигар вобаста ба бақайдгирии давлатии асноди ҳолати шаҳрвандӣ ва амалиётҳои дигар оид ба сабтҳо доир гарид. Семинари омӯзиширо сардори шуъбаи асноди ҳолати шаҳрвандии раёсати адлияи вилоят Фармонзода М. ифтитоҳ намуда, дар қисмати аввали семинар масъулинро оид ба иҷрои Фармони Президенти Ҷумҳурии Тоҷикистон аз 22 июни соли 2023, №586 “Дар бораи тадбирҳои вусъат додани ҳисоббаробаркунии ғайринақдӣ” дар мақомоти сабти асноди ҳолати шаҳрвандӣ барои хизматрасониҳои сабти асноди ҳолати шаҳрвандӣ ҳидоят намуда, дастур дода шуд, ки дар байни аҳолӣ корҳои тавзеҳотию фаҳмондадиҳиро ҷоннок намуда, ҷиҳати фароҳам овардани шароити мусоид ва мусоидат барои такмили инфрасохтори зарурӣ ҷиҳати қабули пардохтҳои ғайринақдӣ чораҳои амалиро тақвият диҳанд. Ҳамзамон дар идома ба роҳбарони шуъбаю бахшҳои сабти асноди ҳолати шаҳрвандии шаҳру ноҳияҳои вилоят супориш дода шуд, ки оид ба гардиши дурусти бланкҳои ҳифзаш қатъӣ, риояи коргузорӣ ва гардиши ҳуҷҷатҳо, беҳтар кардани нишондиҳандаҳо, вусъат бахшидани корҳои тарғиботӣ, баланд бардоштани маърифати ҳуқуқии корманду аҳолӣ, бартараф кардани камбудиҳои ҷойдошта ва пешгирии омилҳои коррупсионӣ табирҳои бетаъхир андешанд.

  Оила бақои давлат ва ҷамъият мебошад, ки он зерсутун ва пойдевори тарбияи насли наврас маҳсуб ёфта, маҳз аз он сарчашма мегирад. Айёми тифлӣ давраи афсонавию басо рангин  ва олами нотакрори  онҳо ба ҳисоб меравад, зеро  кӯдакон бо хандаҳои беғаши зебояшон ба оила баракоту нур мебахшад ва ба ҷомеа  роҳи ояндасозии давлату миллатро пешбинӣ менамояд. Кӯдакон меваи бӯстони умри ҳар яки падару модар буда, давомдиҳандагони наслҳои минбаъда, посдорандагони сарнавишти миллат, таърихи гузаштаи сарзамин ва марзу буми аҷдодӣ, мероси бойи фарҳангӣ ва расму оини ниёгон, дастовардҳои бузург ва шахсиятҳои оламшумули қавму қабоили хеш ба ҳисоб мераванд. Рӯзи байналмилалии ҳифзи кӯдакон солҳост, ки дар миёни мардуми мо ҳамчун яке аз рӯзҳои муҳим маҳбубият дошта, мо - масъулинро пайваста водор менамояд, ки масъулияти саломатӣ, тарбияи маънавии кӯдакону наврасон ва барои фароҳам овардани шароити мусоиди таълиму тарбияи онҳо дар мактаб ва оила, ҳамзамон ба зиндагии оянда омода намудан саҳмгузор бошем. Дар ин замина, бо дастуру ҳидоятҳои роҳбарияти Вазорати адлияи Ҷумҳурии Тоҷикистон ва ташаббуси сардори раёсати адлияи вилоят Шарофиддин Шарифзода санаи 31 майи соли 2023 дар арафаи Рӯзи байналмилалии ҳифзи кӯдакон вобаста ба таъмини иҷрои супоришҳои Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти ҳалли масъалаҳои иҷтимоӣ, аз ҷумла ғамхорӣ дар ҳаққи гуруҳҳои осебпазири аҳолӣ дар Муассисаи давлатии “Маркази дастгирии оила ва кӯдак”-и шаҳри Хуҷанд кормандони дастгоҳи марказии раёсат ва шуъбаи сабти асноди ҳолати шаҳрвандии шаҳр диданд карда, бо шириниҳо хотири кудаконро шод намуданд.

   Дар даврони Истиқлолияти давлатӣ оила ҳамчун рукни асосии сиёсати илмию фарҳангии роҳбарияти олӣ ва ҳукумати кишвар эътироф гардидааст. Масъалаҳои маърифати оиладорӣ, баланд бардоштани масъулияти падару модар дар таълиму тарбияи фарзанд, омода намудани фарзандон ба ҳаёти мустақилона ва пойдории оила аз ҷумлаи масъалаҳое мебошанд, ки диққати доимии тамоми мақомоти давлатӣ ва кулли ҷомеаро тақозо мекунад. Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон пойдориву мустаҳкамӣ ва ваҳдати оилавиро асоси рушди ҷомеа муаррифӣ менамоянд. Боиси қаноатмандист, ки ҳамасола санаи 15 май дар Тоҷикистони соҳибистиқлоламон бо мақсади тарғибу ташвиқи анъанаҳои неки оиладорӣ, баҳри пойдориву устувории оила ва ҳимояи ҳуқуқу манфиатҳо бо шукӯҳу шаҳомати хоса таҷлил мегардад. Санаи 13 майи соли ҷорӣ дар ҳамкорӣ бо  Кумитаи иҷроияи Марказии Ҳизби Халқии Демократии Тоҷикистон ва раёсати асноди ҳолати шаҳрвандии Вазорати адлияи Ҷумҳурии Тоҷикистон бахшида ба Рӯзи байналмилалии оила дар тарабхонаи "Меҳру муҳаббат" - и шаҳри Панҷакент чорабинии фарҳангӣ таҳти унвони " Оилаи солим-ҷомеаи солим" бо иштироки муовини Раиси Ҳизби Халқии Демократии Тоҷикистон Хайринисо Юсуфӣ, сардори раёсати асноди ҳолати шаҳрвандии Вазорати адлияи Ҷумҳурии Тоҷикистон Саодатбибӣ Сироҷзода ва дигар меҳмонон бо руҳияи баланди идона доир гардид.