Санаҳои 23 - 25 апрели соли 2019 аз ҷониби масъулини шуъбаи Раёсати асноди ҳолати шаҳрвандӣ дар вилоят бо бойгоншиносон ва нозир-коргузорони шуъбаю бахшҳои сабти асноди ҳолати шаҳрвандӣ, кормандони вобастагардидаи ҷамоатҳои шаҳраку деҳот дар доираи татбиқи Қарори Ҳукумати Ҷумҳурии Тоҷикистон «Оид ба тасдиқи Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2009 -2019» баҳри баланд бардоштани маърифати ҳуқуқии онҳо, хонишҳои ҳуқуқӣ гузаронида шуд.

Дар рафти он, иҷрои талаботи қонунҳои Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ», «Дар бораи масъулияти падару модар дар таълиму тарбияи фарзанд»,  «Дар бораи забони давлатии Ҷумҳурии Тоҷикистон», «Дар бораи боҷи давлатӣ», қарорҳои Ҳукумати Ҷумҳурии Тоҷикистон «Дар бораи Барномаи рушди мақомоти сабти асноди ҳолати шаҳрвандӣ дар Ҷумҳурии Тоҷикистон барои солҳои 2014-2019», «Дар бораи Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон», «Дар бораи Тартиб ва Андозаи пардохти хизматрасониҳои иловагии музднок ба шахсони воқеӣ ва ҳуқуқӣ дар мақомоти сабти асноди ҳолати шаҳрвандии Вазорати адлияи Ҷумҳурии Тоҷикистон ва дигар шахсони ваколатдор», «Дар бораи Қоидаҳои гузаронидани муоинаи тиббии ҳатмии шахсони никоҳшаванда», «Дар бораи Феҳристи номҳои миллии тоҷикӣ», «Дар бораи тасдиқи Қоидаҳои имлои забони тоҷикӣ» фаҳмонида шуд.

Дар доираи татбиқи Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2009-2019 ҷиҳати баланд бардоштани  сатҳи маърифати ҳуқуқи кормандон вобаста ба  иҷрои Қонунҳои Ҷумҳурии Тоҷикистон «Дар бораи пешгирии зӯроварӣ дар оила», Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023, бо Қарори Ҳукумати Ҷумҳурии Тоҷикистон аз 03 майи соли 2014, №294 ва Консепсия рушди оила дар Ҷумҳурии Тоҷикистон бо Қарори Ҳукумати Ҷумҳурии Тоҷикистон аз 30 декабри соли 2015, №801 тасдиқ гардидааст,  санаи 22 апрели соли 2019  дар толори маҷлисгоҳи шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилоят аз ҷониби ҳуқуқшинос, коршиноси миллӣ оид ба пешгирии зӯроварӣ дар оила – Дотсенти кафедраи  ҳуқуқ ва хизмати давлатии Донишкадаи идоракунии давлатии назди Президенти Ҷумҳурии Тоҷикистон Хайруллоев Фаррух, Доктори илмҳои педагогӣ, профессори кафедраи педагогикаи Донишгоҳи миллии Ҷумҳурии Тоҷикистон, Юнусова Нафиса дар мавзуҳои «Расонидани кумаки ҳуқуқӣ ва психологӣ ба ҷабрдидагони  зӯроварӣ дар оила – аз назария ба амалия», «Пешгирии  пешгирии зӯроварӣ дар оила, аҳамияти омӯзиш ва танзими ҳуқуқии он бо 50 нафар аз рӯи барномаи омӯзишии мувофиқагардида оғоз гардида то санаи 25 апрели соли 2019 идома дорад.

Санаи 18 апрели соли 2019 дар маҷлисгоҳи  шуъбаи Раёсати асноди ҳолати шаҳрвандӣ дар вилоят таҳти сардори шуъбаи Раёсати асноди ҳолати шаҳрвандӣ дар вилоят Ҳошимзода М. маҷлиси ҷамъбастии семоҳаи якуми соли 2019 дар мақомоти асноди ҳолати шаҳрвандии вилоят  баргузор гардид.

Дар кори маҷлис сардори Раёсати адлияи вилоят Раҳматзода Мамлакат, мудирони шуъбаю бахшҳои сабти асноди ҳолати шаҳрвандии шаҳру ноҳияҳо ва кормандони масъули шуъбаи вилоятӣ иштирок доштанд.

Зимни баромад, сардори Раёсати адлияи вилоят Раҳматзода М., ба масъалаҳои иҷрои Қонуни Ҷумҳурии Тоҷикистон «Дар бораи муроҷиатҳои шахсони воқеъӣ ва ҳуқуқӣ» ва Фармоиши Вазорати адлияи Ҷумҳурии Тоҷикистон «Дар бораи чораҳои иловагии таҳкими фаъолияти Вазорати адлияи Ҷумҳурии Тоҷикистон дар ВМКБ, вилоятҳо, шаҳри Душанбе, ноҳия ва шаҳрҳо» таваҷҷуҳ зоҳир намуд.

Тибқи дастури Вазорати адлияи Ҷумҳурии Тоҷикистон аз ҷониби сардори шуъбаи Раёсати асноди ҳолати шаҳрвандӣ дар вилоят Ҳошимзода М. дар ҳамбастагӣ бо Раёсати адлияи вилоят  санаи 16 апрели соли 2019 дар партави ҳидоятҳое, ки аз Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бар меоянд ва таъмини иҷрои Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2009 -2019 бо 120 нафар сокинони ҷамоати деҳоти Чоркўҳ ва зиёда аз 60 нафар ҷавонони ҷамоати деҳоти Ворух вохурии судманд анҷом дода шуд.

Дар вохурӣ ба масъалаҳои асноди ҳолати шаҳрвандӣ аз ҷумла бақайдгирии давлатии таваллуд, ақди никоҳ ва вафот дар ҷамоатҳои шаҳраку деҳот, оқибатҳои ҳуқуқӣ ва аҳмияти он таваҷҷуҳ зоҳир карда шуд.